Tuesday, November 22, 2005

أنا اتسرقت.. بس بشياكة! ـ

هي مش حاجة جديدة.. بس ما كانش وقتها خاص....

سرقوا النمر يا محمد.. بس الترخيص معايا

خرجت من المعمل في السابعة وبعد مشوار صغير بالسيّارة، إذا بي أكتشف مشهداً غريباً:
ربع نمرة السيّارة اختفى!!!
نشر أحدهم جزءاً من لوحة النمر المعدنيّة، فضاع آخر رقم..
إيه المشكلة؟
لقد نشر مع الرقم أيضاً تاريخ التجديد
06

هو استفاد إيه؟
وبالتالي يستطيع لصقه على نمر سيّارته (أو يبيعه) موفراً ١٠٠ دولار أو أكثر (مقدار التجديد السنويّ) وكمان سيتهرب من الفحص السنويّ، خاصةً لو سيّارته مفوّتة...

أنا خسرت إيه؟
وجع دماغ..
لازم أبلّغ، أو على الأقل أذهب لمكتب الترخيص وأثبت الحالة.
ربّما أدفع ثمناً للوحة معدنيّة جديدة، لكن على الأقل لن أدفع تجديد الترخيص مرةً أخرى، لأنّ الفاتورة السابقة معي.

واللي عملها "شيك" و"ذوق"، ما رضيش يسرق النمرة كلّها!!
لو كان سرقها كلّها يمكن كان أحسن لي.. كنت عملت بلاغ فوري.
دلوقتِ بقى ممكن يحققوا معي ويقولوا: إنت مسئول تشتري نمر جديدة.
وهنيّالك يا فاعل الخير

بالمناسبة، أنا اتسرقت قبل كده برضه بطريقة شيك...
بعد أن نسيت دراجتي بجانب المعمل مربوطة لمدة شهر مثلاً.. تذكرت أنّني يجب أن أهتم بها وأعيدها إلى المنزل..
وفعلت ذلك..
ثم في اليوم التالي!! بعد الشهر كله..
ذهبت للعمل بالدراجة..
ولما ركنتها ليلة واحدة!!
أخذ أحدهم الدراجة.. بس كان "ذوق.. ذوق.. ذوق.."
ترك لي العجلة الأماميّة التي كانت مربوطة بالقفل...
وترك لي بجانبها دراجته المتهالكة بلا عجلة أماميّة...
بلغت شرطة المستشفى.. طبعاً عملوا محضر وطنشوا.. مين هيلاقي عجلة مسروقة..

آه.. افتكرت كمان..
كنت سايب دراجة قديمة في سكن الجامعة زمااان قوي.. لمدة شهور...
ويوم ما قررت أنظفها وأستخدمها..
حد "ابن حلال" أخذها.
بس أنا ما كنتش رابطها... كنت فاقد الأمل أنّ حد يعبّرها ويكسر القفل. على الأقلّ وفرت ثمن السلسلة والقفل!!

آاااه...
اللي ما اتسرقت في شيكاجو ولا نيويورك

أتسرق في "عقر داري"؟؟
آه يا أمريكا :)

5 Comments:

At 6:17 AM, Blogger worood said...

te3eesh we tesharb ya saidy!

 
At 9:00 AM, Blogger nuriennium said...

ما يقع إلا الشاطر يا روميو
و اللي ييجي في الحديد، بقشيش
تعيش و تاخد غيرها يا جميل
;)

 
At 2:31 PM, Blogger MAKSOFA said...

أنا عندي شك في أن الحرامي اللي بيسرقك دة الذوق قوي قوي قوي ) يكون مصتقصدك أنت بالذات وجايز لة رؤية خاصة في أنة يكون معاك ذوق قوي قوي

 
At 3:08 PM, Blogger R said...

ـ"يكون مصتقصدك أنت بالذات وجايز لة رؤية خاصة في أنة يكون معاك"
أبداً .. ما طلعش مستقصدني، دي حاجة شائعة جداً...

الغباء بقى إني رميت النمر المسروقة مع إني كان ممكن أستخدمها احتياطي بدل ما الجديدة يتعمل فيها العملة نفسها..
على العموم أنا الآن في القاهرة، والسيارة متلقحة في ممفيس.
تشتري؟
دي استخدام مدوّن ؛)
ـ

 
At 9:32 AM, Blogger BaTaBeeT said...

ana ra2yee terkab taxi as-hal :D
badal makol mterkab 7aga tetsere2

 

Post a Comment

Links to this post:

Create a Link

<< Home

counter
StatCounter eXTReMe Tracker